ଭୁବନେଶ୍ଵର, ୦୭/୦୫ : ବିଜେପିର ମୁଖ୍ୟମନ୍ତ୍ରୀ ଚେହେରା କିଏ ? ଦମ୍ ଅଛି ତ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରନ୍ତୁ... ବିଜେପିକୁ ୫-ଟି ଅଧ୍ୟକ୍ଷ ଭିକେ ପାଣ୍ଡିଆନ୍ଙ୍କ ଓପୋନ୍ ଚ୍ୟାଲେଞ୍ଜ୍। ୫-ଟି ଅଧ୍ୟକ୍ଷ ଆଜି ବିଜେପିକୁ ଏଭଳି ଆହ୍ଵାନ କରିଛନ୍ତି। ସେ କହିଛନ୍ତି ଯେ, ମୁଖ୍ୟମନ୍ତ୍ରୀଙ୍କ ଚୟନ ଓଡ଼ିଶାବାସୀ କରିବେ। ମୁଖ୍ୟମନ୍ତ୍ରୀ କିଏ ହେବେ ? ତାହା ହାଇକମାଣ୍ଡ ଚୟନ କରିପାରିବେ ନାହିଁ। ବିଜେପି ଯାହା ଚାହୁଁଛି ସେୟା ହେଲେ, ୨୦ ରୁ ୨୫ ବର୍ଷ ପଛକୁ ପଳାଇବ ଓଡ଼ିଶା।
ପାଣ୍ଡିଆନ୍ ପୁଣି କହିଛନ୍ତି ଯେ, ଓଡ଼ିଶାବାସୀଙ୍କୁ ନବୀନ ବାବୁ ଉତ୍ତରଦାୟୀ। ଆଉ କିଏ ମୁଖ୍ୟମନ୍ତ୍ରୀ ହେଲେ, ନିଜ ବସ୍ ପାଇଁ ଉତ୍ତରଦାୟୀ ରହିବେ। ନବୀନ ବାବୁଙ୍କ ରିମୋଟ୍ ସାଢେ ୪ କୋଟି ଓଡ଼ିଶାବାସୀଙ୍କ ହାତରେ ରହିଛି। ଜୁନ ୯ରେ ନବୀନ ବାବୁ ମୁଖ୍ୟମନ୍ତ୍ରୀ ଭାବେ ଶପଥ ନେବେ।
ସୂଚନାନୁଯାୟୀ, ଗଞ୍ଜାମରେ ବିଜେଡିର ଘନ ଘନ ପ୍ରଚାର ଚାଲିଛି। ଏହି ପରିପ୍ରେକ୍ଷୀରେ ଖଲ୍ଲିକୋଟରେ ଅନୁଷ୍ଠିତ ଜନସଭାରେ ବିଜେପିକୁ ଖୋଲା ଚ୍ୟାଲେଞ୍ଜ୍ ଦେଇଛନ୍ତି ବିଜେଡି ନେତା ଭି.କେ ପାଣ୍ଡିଆନ୍। ଏକ ସାଧାରଣ ସଭାରେ ସେ ସମ୍ବୋଧନ କରି ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀକୁ ନେଇ ପ୍ରଶ୍ନ କରିଛନ୍ତି। ସେହିପରି ସୋମବାର କଳାହାଣ୍ଡି ଜିଲ୍ଲା ଭବାନୀପାଟଣାରେ ବି ବିଜେପିକୁ ଟାର୍ଗେଟ୍ କରିଥିଲେ ପାଣ୍ଡିଆନ୍। କହିଥିଲେ ଡବଲ ଇଞ୍ଜିନ୍ ଚାଲୁଥିବା ରାଜ୍ୟରେ ଅର୍ଥନୀତି ଭୁଶୁଡ଼ିପଡ଼ିଛି। ତେଲ ସରିଗଲା, ଗାଡି ବନ୍ଦ ହୋଇଗଲା। ଡବଲ ଇଞ୍ଜିନ୍ ଆସିଲେ ଆହୁରି ୨୦ ବର୍ଷ ପଛକୁ ଯିବ ରାଜ୍ୟ। ନବୀନ ଇଞ୍ଜିନ୍କୁ ଭୋଟ୍ କରନ୍ତୁ। ଶଙ୍ଖ ଚିହ୍ନକୁ ଭୋଟ୍ କରନ୍ତୁ।
