ନୂଆଦିଲ୍ଲୀ,୯/୫ : ସାଞ୍ଚୋରରେ ଏକ ବ୍ୟକ୍ତିଙ୍କ ସହ ଲିଭ-ଇନ ରିଲେଶନଶିପ ନାଁରେ ଠକେଇର ମାମଲା ସାମ୍ନାକୁ ଆସିଛି । ଟଙ୍କା ନେଇ ଲିଭ-ଇନରେ ରହିବାକୁ ଆସିଥିବା ଯୁବତୀ ଘରର ଦାମୀ ଜିନିଷ ଏବଂ ଗହଣା ନେଇ ୩ଦିନ ପରେ ଚାଲିଯାଇଛନ୍ତି । ଏହାସହ ପୀଡ଼ିତଙ୍କଠାରୁ ୩ଲକ୍ଷ ୬୦ହଜାର ଟଙ୍କା ବି ନେଇ ଯାଇଛନ୍ତି । ଏହାପରେ ପୀଡ଼ିତ ଜଣଙ୍କ ଥାନାକୁ ଯାଇ ୭ଜଣ ଲୋକଙ୍କ ବିରୁଦ୍ଧରେ ଠକେଇ ମାମଲା ରୁଜୁ କରିଛନ୍ତି ।
ସାଞ୍ଚୋରର ହାଡେଚା ନିବାସୀ ଗଣପତ ଲାଲ ନିଜ ରିପୋର୍ଟରେ କହିଛନ୍ତି କି ପ୍ରାୟ ୧୫ରୁ ୧୬ବର୍ଷ ପୂର୍ବରୁ ତାଙ୍କର ବିବାହ ହୋଇଥିଲା, କିନ୍ତୁ କୌଣସି ପିଲା ନଥିଲା । ୨୭ଏପ୍ରିଲରେ କଣ୍ଟୋଲରେ ରହୁଥିବା ଓଖାରାମଙ୍କ ସହ ତାଙ୍କର ଭେଟ ହୋଇଥିଲା । ସେତେବେଳେ ତାଙ୍କର ଏକ ବନ୍ଧୁ୍ଙ୍କ ସମ୍ପର୍କରେ ଜଣେ ଯୁବତୀ ଥିବା କଥା କହିଥିଲେ । ପରେ ଓଖାରାମ ଏବଂ ହିମ୍ମଭାଇଙ୍କୁ ଘରକୁ ନେଇ ଆସିଲେ । ଏହାପରେ ଉଭୟେ ଯୁବତୀଙ୍କ ଫଟୋ ଦେଖାଇଲେ ଏବଂ କହିଥିଲେ କି ୪ଲକ୍ଷ ଟଙ୍କା ଦେଲେ ସେ ଲିଭ-ଇନରେ ରହିବାକୁ ରାଜି ହୋଇଯିବେ ।
ପୀଡ଼ିତ ଉଭୟଙ୍କ ସାମ୍ନାରେ ସନ୍ତାନ ନ ହେବାର କଥାକୁ ଆଉ ଥରେ କହିଥିଲେ । ଏହାପରେ କଥା ୩ଲକ୍ଷ ୬୦ହଜାର ଟଙ୍କାରେ ପକ୍କା ହୋଇଥିଲା । ଏହାପରେ ଦ୍ବିତୀୟ ଦିନ ଫୋନ-ପେ ଜରିଆରେ ଅନଲାଇନ ଟଙ୍କା ଟ୍ରାନ୍ସଫର କରିଥିଲେ । ଏହାପରେ ଅଭିଯୁକ୍ତ ଧୋଖାରାମଙ୍କ ଘର ବାଲେତରା ଡାକିଥିଲେ । ସେଠାରେ ଅଭିଯୁକ୍ତ ଧୋଖାରାମ, ଓଖାରାମ, ହିମ୍ମତ ଭାଇ ଏବଂ ଯୁବତୀ ସରିତା ଉବଲା ନିବାସୀ ହୋଶଂଗାବାଦ, ମଧ୍ୟପ୍ରଦେଶ ଉପସ୍ଥିତ ଥିଲେ । କଥାବାର୍ତ୍ତା ପରେ ଅନଲାଇନ ଭିନ୍ନ ଭିନ୍ନ ମୋବାଇଲରେ ୭୫୦୦୦ଟଙ୍କା ଟ୍ରାନ୍ସଫର କରାଯାଇଥିଲା ।
ନିଜର ଡିଲ ହେବା ପରେ ବାଲେତରା କୋର୍ଟ ଯାଇ ଲିଭ-ଇନ ରିଲେଶନଶିପକୁ ଆଇନ ସମ୍ମତ କରାଯାଇଥିଲା । ପରେ ୧୧୫୦୦୦ନଗଦ ଟଙ୍କା ଓଖାରାମଙ୍କୁ ଦିଆଯାଇଥିଲା। ଏହାପରେ ଅଭିଯୁକ୍ତ ସରିତା ଲିଭ-ଇନ ରିଲେଶନଶିପରେ ସାଙ୍ଗରେ ରହିବା ଲାଗି ତାଙ୍କ ଘରେ ପହଞ୍ଚିଥିଲେ । ୩ଦିନ ପରେ ଏକ ଗାଡ଼ିରେ ଆସିଥିବା ଅଜ୍ଞାତ ଏକ ବ୍ୟକ୍ତି ଏବଂ ୩ମହିଳାଙ୍କ ସହ ସରିତା ଫେରାର ହୋଇଯାଇଥିଲେ । ଘରକୁ ଯାଇ ଦେଖିଥିଲେ ତ ଘରର ସୁନା ଚାନ୍ଦି ଗହଣା ନଥିଲା । ଏହାପରେ ପୀଡ଼ିତ ଗଣପତ ଲାଲ ଓଖାରାମ, ଧୋଖାରାମ, ହିମ୍ମତ ଭାଇ, ସରିତା ଏବଂ ତିନ ଅଜ୍ଞାତ ବ୍ୟକ୍ତିଙ୍କ ଉପରେ ମାମଲା ରୁଜୁ କରାଯାଇଛି ।