ବେଙ୍ଗାଲୁରୁ: ଆଇପିଏଲ ୨୦୨୪ର ୫୨ ତମ ମ୍ୟାଚ୍ରେ ଖରାପ ପ୍ରଦର୍ଶନ କରିଛି ଶୁଭମନ ଗିଲଙ୍କ ନେତୃତ୍ବାଧୀନ ଟିମ୍ ଗୁଜରାଟ ଟାଇଟନ୍ସ । ଦଳ ୧୯.୩ ଓଭରରେ ସମସ୍ତ ଓ୍ବିକେଟ ହରାଇ ମାତ୍ର ୧୪୭ ରନ୍ କରିବାରେ ସକ୍ଷମ ହୋଇଛି। ଆଜିର ମ୍ୟାଚ୍ରେ ଅଧିନାୟକ ଶୁଭମନ ଗିଲ ୨ ରନ୍ କରି ଆଉଟ ହୋଇଛନ୍ତି । ସେହିଭଳି ରିଦ୍ଧମାନ ଶାହ ୧ ଏବଂ ସାଇ ସୂଦର୍ଶନ ୬ ରନ୍ ପ୍ୟାଭିଲିୟନ୍ ଫେରିଛନ୍ତି ।
ଶାହରୁଖ ଖାନ(୩୭), ଡେଭିଡ ମିଲିର (୩୦), ରାହୁଲ ତେଓ୍ବତିଆ (୩୫), ରାଶିଦ ଖାନ (୧୮), ବିଜୟ ଶଙ୍କର (୧୦) ଓ ମାନବ ସୁତାର(୧) ବଳରେ ଦଳ ୧୪୭ ରନ୍ କରିଛି । ସେହିଭଳି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ଆଗରେ ରହିଛି ୧୪୮ ରନ୍ର ବିଜୟ ଲକ୍ଷ୍ୟ ।
ଆଜିର ମ୍ୟାଚରେ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲା ଆରସିବି । ଟିମର ବୋଲର କମାଲ ପ୍ରଦର୍ଶନ କରିଛନ୍ତି । ମହମ୍ମଦ ସିରାଜ, ୟଶ ଦୟାଲ ଏବଂ ବିଜୟକୁମାର ବୈଶାଖ ଦୁଇଟି ଲେଖାଏଁ ଓ୍ବିକେଟ ନେଇଛନ୍ତି । ସେହିଭଳି କ୍ୟାମେରନ୍ ଗ୍ରୀନ୍ ଏବଂ କର୍ଣ୍ଣ ଶର୍ମା ୧ଟି ଲେଖାଏଁ ଓ୍ବିକେଟ ଅକ୍ତିଆର କରିଛନ୍ତି ।