ଭୁବନେଶ୍ୱର ୦୪/୦୫ : ୨୦୨୪ ରଣକ୍ଷେତ୍ର ସରିଛି ସମରସଜ୍ଜା। ମହାଲଢ଼େଇରେ ବିଜେପିର ପ୍ରଚାର ମଙ୍ଗ ଧରିବେ ପ୍ରାଧାନମନ୍ତ୍ରୀ ନରେନ୍ଦ୍ର ମୋଦି। ୫ ତାରିଖ ଅର୍ଥାତ ରବିବାର ଓଡ଼ିଶା ଆସିବେ ମୋଦି। ସୋମବାର ଦିନ ଦୁଇଟି ସଂସଦୀୟ କ୍ଷେତ୍ରରେ ହାଇଭେଲଟେଜ୍ ପ୍ରଚାର କରିବେ ପ୍ରଧାନମନ୍ତ୍ରୀ। ଏଥିପାଇଁ ବ୍ରହ୍ମପୁର ଉପକଣ୍ଠରେ କନିଷିଠାରେ ଜନସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି।

ସୂଚନା ମୁତାବକ, ସୋମବାର ଅର୍ଥାତ ମେ ୬ ତାରିଖ ଦିନ ପ୍ରଧାନମନ୍ତ୍ରୀଙ୍କ ଜନସଭା କାର୍ଯ୍ୟକ୍ରମ ରହିଛି । ବ୍ରହ୍ମପୁର ଏବଂ ନବରଙ୍ଗପୁରରେ ପ୍ରଧାନମନ୍ତ୍ରୀଙ୍କ ଜନସଭା କାର୍ଯ୍ୟକ୍ରମ ରହିଛି । ଏଥିପାଇଁ ରବିବାର ଦିନ ରାତି  ସାଢେ ୯ଟାରେ ଭୁବନେଶ୍ୱରରେ ଆସି ପହଞ୍ଚିବେ ପ୍ରଧାନମନ୍ତ୍ରୀ । ରବିବାର ରାତିରେ ରାତ୍ରିଯାପନ କରିବା ପରେ ସୋମବାର ଅପରାହ୍ନ ୧୦ଟା ବେଳେ ବ୍ରହ୍ମପୁର ଉପକଣ୍ଠରେ କନିଷିଠାରେ  ଜନସଭା କାର୍ଯ୍ୟକ୍ରମରେ ଯୋଗଦେବେ । ଏହା ପରେ ମଧ୍ୟାହ୍ନରେ ନବରଙ୍ଗପୁର ପ୍ରଚାର କରିବେ ପ୍ରଧାନମନ୍ତ୍ରୀ।  ଅନ୍ୟପଟେ ପ୍ରଧାନମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ପ୍ରଶାସନ ଏବଂ ଏସ୍‌ପିଜି ମଧ୍ୟରେ ବୈଠକ ବସିଥିଲା । ପ୍ରଧାନମନ୍ତ୍ରୀଙ୍କ ଗସ୍ତ ଅବସରରେ କିପରି ସୁରକ୍ଷା ବ୍ୟବସ୍ଥା ରହିଛି ଏବଂ ଆଗକୁ ରହିବ । ସେସବୁ ବିଷୟ ଉପରେ ଆଲୋଚନା ହୋଇଛି ।ଏହି ବୈଠକରେ ବହୁ ବରିଷ୍ଠ ଅଧିକାରୀ ଉପସ୍ଥିତ ରହିଥିଲେ ।