ନୂଆଦିଲ୍ଲୀ, ୦୮/୦୫ : ସମୂହ ଛୁଟିରେ ଏୟାର ଇଣ୍ଡିଆ ଏକ୍ସପ୍ରେସ୍ର ଶତାଧିକ କ୍ରିଉ ମେମ୍ଵର। ଅସୁସ୍ଥତା ଦର୍ଶାଇ ସମୂହ ଛୁଟିରେ କ୍ରିଉ ମେମ୍ଵରମାନେ ଅଛନ୍ତି। ଯାହାଫଳରେ ମଙ୍ଗଳବାର ରାତିରୁ ବୁଧବାର ସକାଳ ଯାଏଁ ଏୟାର ଇଣ୍ଡିଆ ଏକ୍ସପ୍ରେସ୍ର ୭୦ରୁ ଅଧିକ ଘରୋଇ ଓ ଅନ୍ତର୍ଜାତୀୟ ଉଡ଼ାଣ ବାତିଲ୍ ରହିଛି। ସିଭିଲ୍ ଏଭିଏସନ୍ କର୍ତ୍ତୃପକ୍ଷ ଏବେ ଏହି ମାମଲାର ଯାଞ୍ଚ୍ କରୁଛି।
More than 70 international and domestic flights of Air India Express from Tuesday night till Wednesday morning have been cancelled after the senior crew member of the airline went on mass 'sick leave'. Civil Aviation authorities are looking into the issue: Aviation Sources
— ANI (@ANI) May 8, 2024
ସୂଚନାନୁଯାୟୀ, ଏୟାର ଇଣ୍ଡିଆ ଏକ୍ସପ୍ରେସ୍ର ୩୦୦ ସିନିଅର କ୍ୟାବିନ କ୍ରିଉ ମେମ୍ଵର ଅସୁସ୍ଥତା ଦର୍ଶାଇ ସମୂହ ଛୁଟିରେ ଅଛନ୍ତି। ଏପରିକି ମୋବାଇଲ୍ ସ୍ଵିଚ୍ ଅଫ୍ କରି ଦେଇଛନ୍ତି। ଯାହାଫଳରେ ମଙ୍ଗଳବାର ରାତିରୁ ବୁଧବାର ସକାଳ ଯାଏଁ ୭୯ ଘରୋଇ ଓ ଅନ୍ତର୍ଜାତୀୟ ଉଡ଼ାଣ ବାତିଲ୍ ରହିଛି। ଏୟାର ଇଣ୍ଡିଆ ଏକ୍ସପ୍ରେସ ମ୍ୟାନେଜମେଣ୍ଟ ବର୍ତ୍ତମାନ କର୍ମଚାରୀଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରୁଛି। ଟାଟା ଗ୍ରୁପ ମାଲିକାନା ଏୟାରଲାଇନ୍ସରେ ନୂତନ ନିଯୁକ୍ତି ସର୍ତ୍ତକୁ ବିରୋଧ କରି ସମସ୍ତେ ସମୂହ ଛୁଟିରେ ଥିବା ସୂଚନା ମିଳିଛି।
ଏନେଇ ଏୟାର ଇଣ୍ଡିଆ ଏକ୍ସପ୍ରେସ୍ ପ୍ରବକ୍ତା କହିଛନ୍ତି ଯେ, ଏହି ଘଟଣା ପଛର କାରଣ ଜାଣିବା ପାଇଁ କ୍ରିଉ ମେମ୍ଵରଙ୍କ ସହ ଯୋଗାଯୋଗ କରାଯାଉଛି। ଯାତ୍ରୀମାନଙ୍କୁ ଅସୁବିଧା ହୋଇଥିବାରୁ କ୍ଷମା ପ୍ରାର୍ଥନା କରୁଛୁ। ଯେଉଁ ଯାତ୍ରୀମାନଙ୍କର ଉଡାଣ ରଦ୍ଦ ହୋଇଛି ସେମାନଙ୍କର ଟଙ୍କା ଫେରସ୍ତ କରାଯିବ। କିମ୍ଵା ଅନ୍ୟ କୌଣସି ଦିନ ଉଡାଣ ପାଇଁ ବ୍ୟବସ୍ଥା କରାଯିବ। ତେବେ ଆଜି ଉଡାଣ ଥିବା ଯାତ୍ରୀମାନେ ବିମାନ ବନ୍ଦରକୁ ଯିବା ପୂର୍ବରୁ ଯାଞ୍ଚ୍ କରିବାକୁ ଅନୁରୋଧ କରିଛନ୍ତି।