ନୂଆଦିଲ୍ଲୀ - ମଦ ଦୁର୍ନୀତି ମାମଲାରେ ଲାଗିଥିବା ଅଭିଯୋଗ କାରଣରୁ ଗିରଫ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଆବେଦନକୁ ନେଇ ମଙ୍ଗଳବାର ଲମ୍ୱା ଶୁଣାଣି ହୋଇଛି। ଅରବିନ୍ଦ କେଜ୍ରିୱାଲଙ୍କ ପକ୍ଷରୁ ଗିରଫଦାରୀକୁ ନେଇ ଦିଆଯାଇ ଥିବା ଚ୍ୟାଲେଞ୍ଜ ଉପରେ ସୁପ୍ରିମକୋର୍ଟରେ ଉଭୟ ପକ୍ଷ ଗୋଟିଏ ପରେ ଗୋଟିଏ ଅନେକ ଦଲିଲ୍‌ ରଖି ଥିଲେ , ବିଚାରପତିମାନେ ମଧ୍ୟ ଅନେକ ପ୍ରଶ୍ନ କରିଥିଲେ। ଦେଶର ସବୁଠୁ ବଡ଼ କୋର୍ଟ ନିର୍ବାଚନକୁ ଦେଖି ଅରବିନ୍ଦ କେଜ୍ରିୱାଲଙ୍କୁ ଅନ୍ତରୀଣ ଜାମିନ୍‌ ଦେବା ଉପରେ ମଧ୍ୟ ବିଚାର କରି ଥିଲେ। ହେଲେ କୋର୍ଟ ବର୍ତ୍ତମାନ କୌଣସି ରାୟ ଶୁଣାଇ ନାହାନ୍ତି।

କେଜ୍ରିୱାଲ ହାଇକୋର୍ଟଙ୍କ ରାୟକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ, ଯେଉଁଥିରେ ତାଙ୍କର ଗିରଫଦାରୀକୁ ସଠିକ୍‌ ଦର୍ଶାଯାଇ ଥିଲା। ସର୍ବୋଚ୍ଚ କୋର୍ଟରେ ବିଚାରପତି ସଞ୍ଜିବ ଖାନ୍ନା ଓ ବିଚାରପତି ଦୀପାଙ୍କର ଦତ୍ତାଙ୍କର ମିଳିତ ପୀଠ ଏହି ମାମଲାର ଶୁଣାଣି କରିଥିଲେ। କୋର୍ଟ କହିଥିଲେ କି କେଜ୍ରିୱାଲ ଦିଲ୍ଲୀର ମୁଖ୍ୟମନ୍ତ୍ରୀ, ଜଣେ ଅଭ୍ୟାସଗତ ଅପରାଧି ନୁହଁନ୍ତି। ଏଥିପାଇଁ ନିର୍ବାଚନକୁ ଦେଖି ତାଙ୍କୁ ଅନ୍ତରୀଣ ମୁକ୍ତି ଦେବା ଉପରେ ବିଚାର କରାଯାଇ ପାରେ। 

କୋର୍ଟ ଅନେକ ଏମିତି ଟିପ୍ପଣୀ କରିଥିଲେ ଯାହାକୁ କେଜ୍ରିୱାଲଙ୍କ ପାଇଁ ମୁକ୍ତିର ସଙ୍କେତ ଭାବେ ଦେଖାଯାଇଛି। ହେଲେ , ଇଡି ଏହା କହି ଅନ୍ତରୀଣ ଜାମିନର ବିଚାରର ବିରୋଧ କରିଥିଲା କି ନେତାଙ୍କ ପାଇଁ ଅଲଗା ନିୟମ ହୋଇ ପାରିବ ନାହଁ। ସୁପ୍ରିମକୋର୍ଟ ଗୁରୁବାର ବା ଆସନ୍ତା ସପ୍ତାହରେ ଏହି ମାମଲାରେ ଆଗାମୀ ଶୁଣାଣି କରିବେ।