ଭୁବନେଶ୍ୱର,୦୯/୦୫: ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଫ୍ୟାଶନ୍ ଟେକ୍ନୋଲୋଜି (ଏନ୍ଆଇଏଫ୍ଟି)ର ଜଣେ ଚତୁର୍ଥ ବର୍ଷର ଛାତ୍ରୀଙ୍କ ଆତ୍ମହତ୍ୟା ଘଟଣାରେ ପୁଲିସ୍ର ନିଦ ଭାଙ୍ଗିଛିିି । ଡିଜିପିଙ୍କ ନିର୍ଦ୍ଦେଶ ପରେ ଇନ୍ଫୋସିଟି ଥାନା ପୁଲିସ୍ ତତ୍ପର ହୋଇଉଠିଛି । ତଦନ୍ତକାରୀ ଅଧିକାରୀ ବଦଳିଛନ୍ତି । ପୁଲିସର ଏକ ଟିମ୍ କଲେଜକୁ ଯାଇ କିଛି ଛାତ୍ରଛାତୀଙ୍କୁ ପଚରାଉଚରା କରିଛି । ତା’ଛଡା କଲେଜ କର୍ତ୍ତୃପକ୍ଷଙ୍କ ସହ ମଧ୍ୟ ପୁଲିସ୍ ଆଲୋଚନା କରିଛି । କଲେଜର ପକ୍ଷରୁ ଆୟୋଜିତ ଏକ ପାର୍ଟିରେ ଛାତ୍ରୀଙ୍କୁ ଅସଦାଚରଣ କରାଯାଇଥିଲା । ତା’ପରେ ଛାତ୍ରୀଜଣକ ବା୍ଲକ୍ମେଲିଂର ଶିକାର ହୋଇଥିଲେ ।
ବ୍ଲାକମେଲିଂ ସହି ନ ପାରି ଦିଲ୍ଳୀରୁ ଆସିଥିବା ଛାତ୍ରୀ ଆତ୍ମହତ୍ୟା କରିଥିଲେ । ସେଦିନ ଉକ୍ତ ପାର୍ଟିର ଭିଡିଓ ରେକର୍ଡିଂ କରାଯାଇଥିଲା । ସେହି ଭିଡିଓରୁ କିଛି ଖିଅ ମିଳିବା ଆଶାରେ ପୁଲିସ ଯାଞ୍ଚ କରୁଛି । ତା’ଛଡ଼ା ଛାତ୍ରୀଜଣକ ସୁଇସାଇଡ୍ ନୋଟ୍ରେ କିଛି ଛାତ୍ର ଓ ଜଣେ ପ୍ରଫେସରଙ୍କୁ ଇଙ୍ଗିତ କରିଛନ୍ତି । ପୁଲିସ୍ ସେମାନଙ୍କୁ ତଦନ୍ତ ପରିସରଭୁକ୍ତ କରିବ ବୋଲି ଜଣାପଡ଼ିଛି । ସେପଟେ ଜବତ ହୋଇଥିବା ମୋବାଇଲ୍, ଲାପଟପ୍ ଓ ପେନ୍ ଡ୍ରାଇଭ୍ ରାଜ୍ୟ ଏସ୍ଏଫ୍ଏସ୍ଏଲ୍କୁ ପଠାଯିବ ।
ଅସଦାଚରଣ ପରେ ବ୍ଲାକ୍ମେଲିଂ... ଆତ୍ମହତ୍ୟା କଲେ ଏନ୍ଆଇଏଫ୍ଟି ଛାତ୍ରୀ, ସୁଇସାଇଡ୍ ଚିଠିରେ ବିସ୍ଫୋରକ ତଥ୍ୟ
