ଭୁବନେଶ୍ୱର, ୬।୫: ଖରାଦିନେ ବ୍ରଣ ସମସ୍ୟା ଅଧିକ ଦେଖାଯାଏ । ତେଣୁ ଠିକ୍ ଭାବେ ତ୍ୱଚାର ଯତ୍ନ ନ ନେଲେ ବ୍ରଣ ଦାଗ ମୁହଁରେ ରହିଯାଏ । ଏପରିସ୍ଥଳେ ନିମ୍ନ ତେଲ ଲଗାଇ ତ୍ୱଚାଜନିତ ସମସ୍ୟା ଦୂର କରାଯାଇପାରିବ । ସେହିପରି ନିମ୍ୱ ତେଲରେ ବହୁ ଔଷଧୀୟ ଗୁଣ ଯଥା- ଫ୍ୟାଟି ଏସିଡ୍, ଆଣ୍ଟି ବ୍ୟାକ୍ଟେରିଆଲ୍ ଓ ଆଣ୍ଟି ଅକ୍ସିଡାଣ୍ଟ ଗୁଣ ରହିଥାଏ । ଯାହା ତ୍ୱଚାରୁ ବ୍ରଣ ଦୂର କରିବା ସହ ତ୍ୱଚା ଶୁଷ୍କତା, କୁଞ୍ଚନ, ଓ ଆଲର୍ଜିଜନିତ ସମସ୍ୟାରୁ ସୁରକ୍ଷା ଦେଇଥାଏ ।
- ତେଲ ଲଗାଇବା ପୂର୍ବରୁ ତ୍ୱଚାକୁ ଭଲଭାବେ ଧୋଇ ନିଅନ୍ତୁ । ଏହା ପରେ ଗୋଟିଏ ପାତ୍ରରେ ୨-୩ ଚାମଚ ତେଲ ନେଇ କଟନ୍ରେ ବ୍ରଣ ଥିବା ସ୍ଥାନରେ ଲଗାଇ ରାତିସାରା ରଖନ୍ତୁ । ସକାଳୁ ଉଠି ମୁହଁ ଧୋଇଦିଅନ୍ତୁ । ଏହାଦ୍ୱାରା ମୁହଁରୁ ବ୍ରଣ ସମସ୍ୟା ଦୂର ହୋଇଥାଏ ।
- ନିମ୍ୱ ତେଲକୁ ତ୍ୱଚାରେ ଲଗାଇ କିଛି ସମୟ ମସାଜ୍ କରନ୍ତୁ । ଏହାଦ୍ୱାରା ତ୍ୱଚାରେ ରକ୍ତ ସଞ୍ଚାଳନ ପ୍ରକ୍ରିୟା ବୃଦ୍ଧି ପାଇଥାଏ । ଏଥିସହିତ ତ୍ୱଚାର ଉଜ୍ଜ୍ୱଳତା ବୃଦ୍ଧି ପାଏ ।
- ସେହିପରି ଅଧା ଚାମଚ ନିମ୍ୱ ତେଲରେ ଭିଟାମିନ୍-ଇ କ୍ୟାପସୁଲ୍ ମିଶାଇ ତ୍ୱଚାରେ ଲଗାନ୍ତୁ । ଏହାପରେ ତ୍ୱଚାରେ କୌଣସି ପ୍ରକାର ଫେସୱାସ୍ କିମ୍ୱା ସାବୁନ ଲଗାନ୍ତୁ ନାହିଁ ।