ଅହମଦାବାଦ, ୦୭/୦୫ : ଗଣତନ୍ତ୍ରର ମହାପର୍ବରେ ସାମିଲ ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଅହମଦାବାଦର ନିଶାନ ଉଚ୍ଚ ବିଦ୍ୟାଳୟରେ ଭୋଟ୍ ଦେଇ ତାଙ୍କର ମତାଧିକାର ପ୍ରୟୋଗ କରିଛନ୍ତି। ଏହା ସହ ରେକର୍ଡ ସଂଖ୍ୟାରେ ମତଦାନ କରିବାକୁ ଭୋଟରଙ୍କୁ ଅପିଲ୍ କରିଛନ୍ତି। ଏତଦ୍ ବ୍ୟତୀତ ଗୃହ ମନ୍ତ୍ରୀ ଅମିତ ଶାହ, କଂଗ୍ରେସ ନେତା ସୁଶୀଲ କୁମାର ଶିନ୍ଦେ, ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ ପାୱାର ତାଙ୍କ ପରିବାର ସହ ଭୋଟ୍ ଦେଇଛନ୍ତି।
ସୂଚନାନୁଯାୟୀ, ତୃତୀୟ ପର୍ଯ୍ୟାୟ ଲୋକସଭା ନିର୍ବାଚନ ଜାରି ରହିଛି। ଗୁଜୁରାଟ ସମେତ ୧୧ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ୯୩ଟି ସିଟ୍ରେ ପ୍ରାର୍ଥୀଙ୍କ ଭାଗ୍ୟ ନିରୂପଣ କରୁଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୋଟ୍ ଦେଇ ଅଧିକରୁ ଅଧିକ ମତଦାନ କରିବାକୁ ଭୋଟରଙ୍କୁ ଅପିଲ୍ କରିଛନ୍ତି। ସେ କହିଛନ୍ତି ଯେ, ଗଣତନ୍ତ୍ରରେ ମତଦାନ ଏକ ସାମାନ୍ୟ କାର୍ଯ୍ୟ ନୁହେଁ। ଆମ ଦେଶରେ ଦାନର ଏକ ମହାତ୍ମ୍ୟ ରହିଛି। ସେହି ଭାବନା ରଖି ଦେସବାଶୀ ଅଧିକରୁ ଅଧିକ ମତଦାନ କରନ୍ତୁ। ଆଜି ତୃତୀୟ ପର୍ଯ୍ୟାୟ ମତଦାନ। ଏବେ ତିନି ସପ୍ତାହ ଆହୁରି ମତଦାନ ଜାରି ରହିବ।
Prime Minister Narendra Modi signs a portrait of him as he arrives at a polling booth in Ahmedabad, Gujarat #LokSabhaElections2024 pic.twitter.com/G9Vd0o6N3G
— ANI (@ANI) May 7, 2024
ସେହିପରି ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ଏବଂ ୟୁପିର ରାଜ୍ୟପାଳ ଆନନ୍ଦି ବେନ ପଟେଲ ମଧ୍ୟ ମତଦାନ କରିଛନ୍ତି। ସେ ଅହମଦାବାଦର ଶିଲଜ ସ୍ଥିତ ଅନୁପମ ପ୍ରାଥମିକ ସ୍କୁଲରେ ଭୋଟ୍ ଦେଇଛନ୍ତି।
