ଟୋକିଓ : ଗତବର୍ଷ ଅଗଷ୍ଟ ମାସରେ ଭାରତର ଚନ୍ଦ୍ରଯାନ-୩କୁ ସେତେବେଳେ ବଡ଼ ସଫଳତା ମିଳିଲା , ଯେବେ ଚନ୍ଦ୍ରର ଦକ୍ଷିଣ ମେରୁରେ ସଫଳତା ପୂର୍ବକ ଅବତରଣ କରିଥିଲା। ସାରା ବିଶ୍ୱରୁ ଇସ୍ରୋ ପାଇଁ ଆସି ଥିଲା ଖୁବ୍‌ ପ୍ରଶଂସା। ଏହାପରେ ଜାପାନ ନିଜର ମୁନ୍‌ ମିଶନ ଲଞ୍ଚ କରିଥିଲା। ହେଲେ ଲ୍ୟାଣ୍ଡିଂ ମନ ମୁତାବିକ ହୋଇ ନଥିଲା , ଯେଉଁଥି ପାଇଁ କୁହାଯାଉଛି କି , ଜାପାନର ଚନ୍ଦ୍ରଯାନ ଅଧିକ ସମୟ ଯାଏ ଚନ୍ଦ୍ରରେ ସକ୍ରିୟ ରହି ପାରି ନଥିଲା। ହେଲେ ୩ୟ ଥର ଏହା ଚମତ୍କାର କରି ଦେଇଛି। 

ଜାପାନ ଏୟରୋସ୍ପେସ୍‌ ଏକ୍ସପ୍ଲୋରେସନ ଏଜେନ୍ସି ଅନୁସାରେ , ଏହାର ସ୍ନାଇପର ଲ୍ୟାଣ୍ଡର ଅର୍ଥାତ୍‌ ଜାପାନର ଚନ୍ଦ୍ରଯାନ ୩ୟ ଥର ଜିଇଁ ଉଠିଛି। ସେ ଫଟୋ ବି ପଠାଇଛି। ଚନ୍ଦ୍ରରେ ୧୪ ଦିନ ଯାଏ ଅନ୍ଧାର ରହିଥାଏ ଏବଂ ତାପମାତ୍ରା ଖୁବ୍‌ ନିମ୍ନକୁ ଚାଲି ଯିବା କାରଣରୁ ମୁନ୍‌ ମିଶନ ଅଧିକ ଦୀର୍ଘ ସମୟ ଯାଏ ଚାଲିବାର ଆଶା ରହି ନଥାଏ।

ଜାପାନା ଏୟରୋସ୍ପେସ୍‌ ଏକ୍ସପ୍ଲୋରେସନ ଏଜେନ୍ସି ଅନୁସାରେ, ଜାପାନର ମୁନ୍‌ ସ୍ନାଇପର ଲ୍ୟାଣ୍ଡର ୩ୟ ଥର ପ୍ରତିବନ୍ଧକକୁ ଅତିକ୍ରମ କରିଛି, ଏବଂ ସେ ଏମିତି କଠୋର ପରିସ୍ଥିତିକୁ ସହ୍ୟ କରିବା ପାଇଁ ଡିଜାଇନ୍‌ କରାଯାଇ ନଥିଲା। ଏହାପରେ ମଧ୍ୟ ସେ ଚନ୍ଦ୍ରର ଏକ ଲମ୍ୱା ଓ ଥଣ୍ଡା ରାତିରେ ମଧ୍ୟ ଜୀବିତ ରହିଗଲା। ନାସା ମୁତାବିକ ,ଚନ୍ଦ୍ରରେ ରାତି ହୋଇଥାଏ, ସେତେବେଳେ ସେଠାର ତାପମାତ୍ରା ଶୂନ୍ୟରୁ ୨୦୮ ଡିଗ୍ରୀ ଫାରେନହାଇଟ୍‌ ( ଶୂନ୍ୟରୁ ୧୩୩ ଡିଗ୍ରୀ ସେଲସିୟସ୍ ତଳେ) ଯାଏ ଖସି ଯାଏ। 

ସିଏନଏନର ରିପୋର୍ଟ ଅନୁସାରେ, ଜାପାନର ମୁନ୍‌ ସ୍ନାଇପରରୁ ଗୋଟିଏ ଚନ୍ଦ୍ର ରାତିକୁ ମଧ୍ୟ ଅତିକ୍ରମ କରିବାର ଆଶା ନଥିଲା। ଜାପାନର ଚନ୍ଦ୍ରଯାନର ରୋବୋଟିକ୍‌ ଗାଡ଼ି , ଯାହାକୁ ଏସଏଲଆଇଏମ ବା ଚନ୍ଦ୍ରର ଯାଞ୍ଚ ପାଇଁ ସ୍ମାର୍ଟ ଲ୍ୟାଣ୍ଡର ଭାବେ ମଧ୍ୟ ଜଣାଯାଏ , ଏହା ପ୍ରଥମ ଥର ଚଳିତ ବର୍ଷ ୧୯ ଜାନୁୟାରୀରେ ଚନ୍ଦ୍ର ପୃଷ୍ଠରେ ଓହ୍ଲାଇ ଥିଲା।