ହାଇଦ୍ରାବାଦ୍ ୦୨/୦୫: ଆଇପିଏଲ୍ ୨୦୨୪ । ହାଇଦ୍ରାବାଦ୍ର ରାଜୀବ ଗାନ୍ଧୀ ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଖେଳାଯିବ ୫୦ ତମ ମ୍ୟାଚ୍ । ରାତି ୭ଟା ୩୦ ମିନିଟ୍ରେ ମୁହାଁମୁହିଁ ହେବେ ସନରାଇଜର୍ସ ହାଇଦ୍ରାବାଦ୍ ଏବଂ ରାଜସ୍ଥାନ ରୟାଲ୍ସ । ଦୁଇ ଟପ୍ ଟିମ୍ ମଧ୍ୟରେ ହେବ ଲଢେଇ ।
ବର୍ତ୍ତମାନ ସୁଦ୍ଧା ରାଜସ୍ଥାନ ରୟାଲ୍ସ ୯ଟି ମୁକାବିଲା ଖେଳିଛି । ଯେଉଁଥିରେ ୮ଟି ବିଜୟୀ ହୋଇଥିବା ବେଳେ ଗୋଟିଏରେ ପରାସ୍ତ ହୋଇଛି । ମୋଟ ୧୬ ଅଙ୍କ ସହ ପଏଣ୍ଟ ଟେବୁଲ୍ରେ ଟପ୍ରେ ରହିଛି ରାଜସ୍ଥାନ ରୟାଲ୍ସ । ଦଳ ଉଭୟ ବ୍ୟାଟିଂ ଏବଂ ବୋଲିଂରେ ଜବରଦସ୍ତ ଫର୍ମରେ ଅଛି। ତେଣୁ ବିରୋଧୀଙ୍କ ଚକ୍ମା ଦେବାରେ ସଫଳ ହେଉଛନ୍ତି ସଞ୍ଜୁ ବାହିନୀ । ବର୍ତ୍ତମାନ ଦଳ ଯେତିକି ପଏଣ୍ଟ ହାସଲ କରିଛି । ତାହା ପ୍ଲେ-ଅପ୍ ରେସ୍ ପାଇଁ ଯଥେଷ୍ଟ ବୋଲି ଅନୁମାନ କରାଯାଉଛି । ତେଣୁ ଆଜିର ମ୍ୟାଚ୍ ଜବରଦସ୍ତ ହେବ ବୋଲି ଆଶା ରହିଛି ।
ଅନ୍ୟପଟେ ସନରାଇଜର୍ସ ହାଇଦ୍ରାବାଦ୍ ବର୍ତ୍ତମାନ ସୁଦ୍ଧା ୯ଟି ମୁକାବିଲା ଖେଳିଛି । ଯେଉଁଥିରେ ୫ଟିରେ ବିଜୟୀ ହୋଇଥିବା ବେଳେ ୪ଟିରେ ପରାସ୍ତ ହୋଇଛି । ମୋଟ ୧୦ ଅଙ୍କ ସହ ପଏଣ୍ଟ ଟେବୁଲ୍ର ୫ମ ସ୍ଥାନରେ ରହିଛି । ଦଳ ବ୍ୟାଟିଂରେ ଜବରଦସ୍ତ ଫର୍ମରେ ରହିଛି । ହେଲେ ଟାର୍ଗେଟକୁ ପିଛା କରୁଥିବା ବେଳେ ଟିମ୍ର ଲାଇନ୍ଲେନ୍ଥ ଯାଉଛି ଭାଙ୍ଗି । ଯାହାଫଳରେ ଟିମ୍କୁ ପରାସ୍ତର ସାମ୍ନା କରିବାକୁ ପଡୁଛି । ଦେଖାଯାଉ ଆଜିର ମ୍ୟାଚ୍ରେ କମିନ୍ସ ବାହିନୀ କି ରଣନୀତି କରିବ ।
ସୂଚନାଯୋଗ୍ୟ ଯେ, ବର୍ତ୍ତମାନ ଯାଏଁ ପଏଣ୍ଟ ଟେବୁଲ୍ର ଟପ୍ରେ ରହିଛି ରାଜସ୍ଥାନ ରୟାଲ୍ସ । ଦଳ ମୋଟ ୯ଟି ମୁକାବିଲା ଖେଳିସାରିଥିବା ବେଳେ ୮ଟିରେ ବିଜୟୀ ହୋଇଛି । ଦଳ ୧୬ ପଏଣ୍ଟ ସହ ନମ୍ବର ୧ରେ ରହିଛି । ଏହାପଛକୁ ରହିଛି କୋଲକାତା ନାଇଟ୍ ରାଇଡର୍ସ । ଦଳ ୯ଟି ମ୍ୟାଚ୍ରୁ ୬ଟିରେ ବିଜୟୀ ହୋଇଛି । ମୋଟ ୧୨ ଅଙ୍କ ସହ ୨ୟ ସ୍ଥାନରେ ରହିଛି । ଏହାପରେ ରହିଛି ଲକ୍ଷ୍ନୌ ସୁପର କିଙ୍ଗସ୍ । ଦଳ ୧୦ଟି ମ୍ୟାଚ୍ରୁ ୬ଟିରେ ବିଜୟୀ ହୋଇଥିବା ବେଳେ ୪ଟିରେ ପରାସ୍ତ ହୋଇଛି । ମୋଟ ୧୨ ଅଙ୍କ ସହ ପଏଣ୍ଟ ଟେବୁଲ୍ର ୩ୟ ସ୍ଥାନରେ ରହିଛି । ଏହାପରେ ରହିଛି ଚେନ୍ନାଇ ସୁପର କିଙ୍ଗସ୍ । ଦଳ ୧୦ଟି ମୁକାବିଲାରୁ ୫ଟିରେ ବିଜୟୀ ହୋଇଛି । ମୋଟ ୧୦ ପଏଣ୍ଟ ସହ ୪ର୍ଥ ସ୍ଥାନରେ ରହିଛି ।