ଲକ୍ଷ୍ନୌ – ଆଜିର ଆଇପିଏଲ ମ୍ୟାଚ୍ ଲକ୍ଷ୍ନୌ ସୁପର ଜଏଣ୍ଟସ୍(ଏଲଏସଜି) ଓ ମୁମ୍ୱାଇ ଇଣ୍ଡିଆନ୍ସ (ଏମଆଇ )ମଧ୍ୟରେ ଖେଳା ଯାଉଛି। ଉଭୟ ଟିମ୍ ଲକ୍ଷ୍ନୌର ଭାରତ ରତ୍ନ ଶ୍ରୀ ଅଟଳ ବିହାରୀ ବାଜପେୟୀ ଇକାନା ଷ୍ଟାଡିୟମରେ ମୁହାଁମୁହିଁ ହୋଇଛନ୍ତି। ଏମଆଇ,ଏଲଏସଜି ସାମନାରେ ୧୪୫ରନ୍ର ବିଜୟ ଲକ୍ଷ୍ୟ ରଖିଛି। ପ୍ରଥମେ ବ୍ୟାଟିଂ କରି ଏମଆଇ ନିର୍ଦ୍ଧାରିତ ୨୦ ଓଭରରେ ୭ ୱିକେଟ୍ ହରାଇ ୧୪୪ ରନ୍ କରିଥିଲା।
ମୁମ୍ୱାଇ ପାଇଁ ସବୁଠୁ ଅଧିକ ରନ୍ ନେହାଲ ୱାଧେରା କରିଛନ୍ତି। ସେ ୪୧ଟି ବଲରେ ୪ଟି ଚୌକା ଓ ୨ଟି ଛକା ସାହାଯ୍ୟରେ ୪୬ ରନ୍ର ପାଳି ଖେଳିଛନ୍ତି। ଟିମ୍ ଡେଭିଡ୍ ୩୫ ରନ୍ କରି ଅପରାଜେୟ ରହିଥିଲେ। ମୁମ୍ୱାଇ ୭ମ ୱିକେଟ୍ ୧୨୨ର ସ୍କୋରରେ ହରାଇ ଥିଲା। ନେହାଲ ୱାଧେରା ୪୬ ଓ ଇଶାନ କିଶନ ୩୨ର ପାଳି ଖେଳିଛନ୍ତି। ତିଳକ ବର୍ମା ୭, ସୂର୍ଯ୍ୟକୁମାର ଯାଦବ ୧୦ ଓ ବାର୍ଥଡେ ବୟ ରୋହିତ୍ ଶର୍ମା ୪ରନ୍ କରି ଥିଲେ। ମହମ୍ମଦ ନବିଙ୍କ ବ୍ୟାଟ୍ରୁ ଗୋଟିଏ ରନ୍ ବାହାରି ଥିଲା। ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ଖାତା ଖୋଲିନ ଥିଲା।
ସେପଟେ ଏଲଏସଜି ଏବେସୁଦ୍ଧା ୯ଟି ମ୍ୟାଚ୍ ରୁ ୫ଟିରେ ବିଜୟୀ ହୋଇଛି। ପଏଣ୍ଟସ ତାଲିକାରେ ୫ମ ସ୍ଥାନରେ ରହିଛି। ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱର ମୁମ୍ୱାଇ ଟିମ୍ ୯ଟି ମୁକାବିଲାରୁ ୬ଟି ହରାଇଛି। ଏବଂ ତାଲିକାରେ ୯ମ ସ୍ଥାନରେ ରହିଛି।