ମୁମ୍ୱାଇ – ଇମିତୟାଜ ଅଲୀଙ୍କର ଫିଲ୍ମ ଅମର ସିଂହ ଚମକିଲାକୁ ଦର୍ଶକଙ୍କର ଖୁବ୍ ଭଲ ପାଇବା ମିଳୁଛି। ଫିଲ୍ମର କାହାଣୀ ସହ ଲୋକଙ୍କୁ ଏହାର ଗୀତ ମଧ୍ୟ ବହୁତ ପସନ୍ଦ ଆସିଛି। ବିଶେଷକରି ଫିଲ୍ମର ଶେଷରେ ବିଦା କରୋ ଗୀତ ଲୋକଙ୍କ ଆଖିରେ ଲୁହ ଆଣି ଦେଇଛି। ଫିଲ୍ମର ନିର୍ଦ୍ଦେଶକ ଇମିତୟାଜ ଅଲୀ କହିଛନ୍ତି କି କେମିତି ବିଦା କରୋ ଗୀତକୁ କମ୍ପୋଜ କରାଯାଇ ଥିଲା।
ଗୁରୁତର ରୋଗର ଶିକାର ପ୍ରିୟଙ୍କା ଚୋପ୍ରାଙ୍କ ସ୍ୱାମୀ , ନିକ୍ ଜୋନସ୍ଙ୍କ ସବୁ ଶୋ ହେଲା ରଦ୍ଦ
ରେଡିଓ ନଶା ସହ ବିଶେଷ କଥାବାର୍ତ୍ତାରେ ଇମିତୟାଜ୍ ଅଲୀ କହିଛନ୍ତି - ଏହି ଲୋକପ୍ରିୟ ଗୀତଟିକୁ ରାତି ସାଢେ ଦି ଟାରେ କମ୍ପୋଜ କରାଯାଇ ଥିଲା। ଇମିତୟାଜ ଅଲି କହିଛନ୍ତି, ରହମାନ ରାତି ସାଢେ ଦି ଟାରେ ଆସିଲେ ଏବଂ ନିଜର ପିଆନୋ ପାଖରେ ବସିଲେ। ଏହି ସମୟରେ ମୁଁ ଓ ଇରଶାଦ କାମିଲ ଷ୍ଟୁଡିଓରୁ ଯିବାକୁ ବାହାରୁ ଥିଲୁ। ରହମାନ ଆମକୁ ଲାଇଟ ସବୁ ବନ୍ଦ କରି କିଛି କ୍ୟାଣ୍ଡେଲ ଜଳାଇବାକୁ କହିଲେ , ଏଇଥି ପାଇଁ କି ଆମେ ଏହି ପ୍ରୋସେସକୁ ଉପଭୋଗ କରି ପାରିବୁ। ଯେବେ ଆମେ ପୁରୁଣା ହିନ୍ଦୀ ଫିଲ୍ମ ଗୀତ ବିଷୟରେ କଥା ହେଉଥିଲୁ ତ ସେ ଧୁନ୍ ବଜାଇବା ଆରମ୍ଭ କରି ଦେଲେ ... ରହମାନ ଗୁରୁ ଦତ୍ତଙ୍କ ଫିଲ୍ମର ସଙ୍ଗୀତ ବିଷୟରେ କଥା ହେଉ ଥିଲେ। ମୁଁ କେବଳ ଏକ ଦର୍ଶକ ଭାବେ ସଙ୍ଗୀତର ଆନନ୍ଦ ନେଉଥିଲି।
ଇମିତୟାଜ ଆହୁରି କହିଛନ୍ତି , ଇରଶାଦ କାମିଲ ୪୫ ମିନିଟ୍ରେ ଏହି ଗୀତଟି ଲେଖି ଦେଲେ। ଏହାପରେ ରହମାନ କହିଲେ ଚାଲ ଗୀତ କମ୍ପୋଜ କରିବା। ଯେବେ ଗୀତ କମ୍ପୋଜ ହେଉଥିଲା ଷ୍ଟୁଡିଓରେ କିଛି ଲୋକ କାନ୍ଦିବାକୁ ଲାଗିଲେ। ଇମିତୟାଜ କହିଛନ୍ତି, ଏହି ସମୟରେ ଏଆର୍ ରହମାନ ମଜାଳିଆ ଅନ୍ଦାଜରେ କହିଥିଲେ, ଇରଶାଦ କାମିଲ ଆପଣ କଣ କଲେ , ଆପଣ ଲୋକଙ୍କୁ କନ୍ଦାଇ ଦେଲେ।
ବିଦା କରୋ ଗୀତ ଇରଶାଦ କାମିଲଙ୍କ ଦ୍ୱାରା ଲେଖା ଯାଇଛି। ଏହି ଗୀତ ଶିବ କୁମାର ବଟାଲଭିଙ୍କର ଏକ କବିତା ଦ୍ୱାରା ପ୍ରେରିତ। ଏହି ଗୀତକୁ ଗାଇଛନ୍ତି ଅରଜିତ ସିଂହ । ଇମିତୟାଜ କହିଛନ୍ତି , ଏହି ଗୀତ ପାଇଁ ଏଆର ରହମାନ ହିଁ ଅରିଜିତଙ୍କର ନାଁକୁ ସୁପାରିଶ କରିଥିଲେ।
