ଭୁବନେଶ୍ଵର, ୦୮/୦୫ : ରାଜଧାନୀରେ ପୁଣି ହିଟ୍ ଆଣ୍ଡ ରନ୍। ରାସ୍ତା ପାରି ହେଉଥିବା ବେଳେ ଦମ୍ପତିଙ୍କ ଉପରେ ଚଢ଼ିଗଲା ଟ୍ରକ୍। ପଳାସୁଣୀ ନିକଟରେ ସ୍ତ୍ରୀଙ୍କ ମୃତ୍ୟୁ ହୋଇଥିବା ବେଳେ ସ୍ଵାମୀଙ୍କୁ ସତ୍ୟବିହାର ଛକ ପର୍ଯ୍ୟନ୍ତ ଘୋଶାଡି ନେଲା ଟ୍ରକ୍।
ସୂଚନାନୁଯାୟୀ, ପଳାସୁଣୀ ନିକଟରେ ଏକ ଦମ୍ପତି ରାସ୍ତା ପାରି ହେଉଥିବା ବେଳେ ତାଙ୍କ ଉପରେ ଏକ ଟ୍ରକ୍ ଚଢି ଯାଇଛି। ଫଳରେ ଘଟଣାସ୍ଥଳରେ ସ୍ତ୍ରୀଙ୍କ ମୃତ୍ୟୁ ହୋଇଥିବା ବେଳେ ସ୍ଵାମୀଙ୍କୁ ସତ୍ୟବିହାର ଛକ ପର୍ଯ୍ୟନ୍ତ ଘୋଶାଡି ନେଇଥିଲା ଟ୍ରକ୍। ତେବେ ଦମ୍ପତିଙ୍କ ପରିଚୟ ମିଳି ନାହିଁ। ଟ୍ରକ୍ଟି ଦୁର୍ଘଟଣା ଘଟାଇ ଫେରାର୍ ହୋଇଯାଇଛି। ଖବର ପାଇ ଉଭୟ ଘଟଣା ସ୍ଥଳରେ ଚାରୋଟି ପିସିଆର୍ ସହ ମଞ୍ଚେଶ୍ଵର ଥାନା ପୁଲିସ୍ ପହଞ୍ଚିଛି। ଦୁଇଟି ମୃତଦେହକୁ ଜବତ କରି ମେଡିକାଲ ନେବା ସହ ତଦନ୍ତ ଆରମ୍ଭ କରିଛି ମଞ୍ଚେଶ୍ୱର ଥାନା ପୁଲିସ୍।