ପଟିଆଲା- ଶନିବାର ରାଜପୁରା ପାଖ ସେହରାରେ ବିଜେପିର ପଟିଆଲା ପ୍ରାର୍ଥୀ ପରନିତ୍ କୌରଙ୍କ ବିରୋଧରେ, ବିକ୍ଷୋଭ ପ୍ରଦର୍ଶନ କରିବା ସମୟରେ ଜଣେ କୃଷକଙ୍କ ହୋଇଛି ମୃତ୍ୟୁ। ୪୫ବର୍ଷିୟ ସୁରିନ୍ଦରପାଲ୍ ସିଂହ ଏହି ସମୟରେ ଭୂମି ଉପରେ ଖସି ପଡ଼ି ଥିଲେ , ଯେବେ କୃଷକଙ୍କର ଏକ ସଂଗଠନ ବିଜେପି ପ୍ରାର୍ଥୀଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରୁଥିଲେ । କୃଷକ ନେତା ତେଜବୀର ସିଂହ କହିଛନ୍ତି କି ଘଟଣା ସମୟରେ ପୁଲିସ ସେଠାରେ ଉପସ୍ଥିତ ଥିଲା। ସେ ଏକ୍ସରେ ଲେଖିଛନ୍ତି,ପରବୀନ କୌରଙ୍କ ପ୍ରଚାର ବେଳେ ଜଣେ କୃଷକଙ୍କ ଜୀବନ ଚାଲି ଯାଇଛି। ଏହି ସମୟରେ ପୁଲିସ , ବିଜେପି ନେତା ପରନୀତ କୌରଙ୍କ କହିବାନୁସାରେ ପ୍ରଦର୍ଶନକାରୀଙ୍କୁ ସେଠାରୁ ତଡ଼ୁ ଥିଲେ।
ପରେ ପରନୀତ କୌରଙ୍କ ଟିମ୍ ଏକ ଭିଡ଼ିଓ ଜାରି କରିଥିଲା , ଯେଉଁଥିରେ ଚାଷୀ ଜଣଙ୍କ ବିରୋଧ ସ୍ଥଳ ପାଖରେ ଠିଆ ହୋଇ ଥିବାର ନଜର ଆସୁଛି। ଭିଡ଼ିଓରେ ପରନୀତ କୌରଙ୍କ କାରକୁ ରୋକା ଯିବାର ଦେଖିବାକୁ ମିଳୁଛି ଏବଂ ପୀଡ଼ିତ ଅନ୍ୟ ଆନ୍ଦୋଳନକାରୀଙ୍କ ସହ ବିରୋଧ ପ୍ରଦର୍ଶନ କରିବା ନଜର ଆସୁଛି। ପୁଲିସ ପ୍ରଦର୍ଶନକାରୀଙ୍କୁ ପ୍ରାର୍ଥୀଙ୍କ କାର୍ ନରୋକିବାକୁ କହୁ ଥିବାର ଦେଖିବାକୁ ମିଳୁଛି, ସେତେବେଳେ ହଠାତ୍ ସୁରିନ୍ଦରପାଲ ସିଂହ ତଳେ ଖସି ପଡ଼ନ୍ତି।
ମୃତକ ସୁରିନ୍ଦରପାଲ ସିଂହଙ୍କ ମୃତଦେହକୁ ରାଜପୁରାର ସରକାରୀ ହସ୍ପଟାଲକୁ ଅଣାଯାଇଛି। ଅନ୍ୟପଟେ ପରନୀତ କୌର ନିଜର ହ୍ୱାଟ୍ସଆପ୍ ଗ୍ରୁପ୍ରେ ଏକ ଭିଡ଼ିଓ ଭାଇରାଲ କରି କହିଛନ୍ତି ଯେ, ଏହି ଚାଷୀ ନିଜେ ଖସି ପଡ଼ିଛନ୍ତି , ତାଙ୍କୁ କେହି ଧକ୍କା ମାରି ଖସାଇ ନାହାନ୍ତି।
କୃଷକ ଶ୍ରମିକ ସଂଘର୍ଷ ସମିତିର ପ୍ରମୁଖ ସରବନ ସିଂହ ପନ୍ଧେର କହିଛନ୍ତି କି ସେ ଘଟଣାସ୍ଥଳକୁ ଗସ୍ତ କରିଛନ୍ତି ଏବଂ ତଥ୍ୟ ଜାଣିବାକୁ ଚେଷ୍ଟା କରୁଛନ୍ତି।
