ନୂଆଦିଲ୍ଲୀ : ଆଦିତ୍ୟ ଧରଙ୍କ ଧୁରନ୍ଧର-୨ ଗୋଟିଏ ପରେ ଗୋଟିଏ ରେକର୍ଡ କରିବାରେ ଲାଗିଛି । ଏହି ଫିଲ୍ମ ଦେଶ ଏବଂ ବିଦେଶରେ ଅନେକ ପ୍ରଂଶସା ସାଉଁଣ୍ଟୁଥିବାବେଳେ ବକ୍ସ ଅଫିସରେ ରେକର୍ଡ କରିଛି । ବ୍ୟବସାୟିକ ଦୃଷ୍ଟି କୋଣରୁ ମଧ୍ୟ ଗୋଟିଏ ପରେ ଗୋଟିଏ ବଡ଼ ରେକର୍ଡକୁ ଭାଙ୍ଗିବାରେ ଲାଗିଛି ।OTT ପ୍ଲାଟଫର୍ମ Netflix ରେ ସଫଳତାର ସହ ରାଜ୍ କରୁଛି । "ଧୁରନ୍ଧର" ଜାନୁଆରୀ ୩୦ ତାରିଖରେ Netflix ରେ ପ୍ରିମିୟର ହୋଇଥିଲା। ସେବେଠାରୁ, ଏହା ନିରନ୍ତର ଭାବରେ Netflix ରେ ଶ୍ରେଷ୍ଠ ୧୦ ଫିଲ୍ମ ମଧ୍ୟରେ ସ୍ଥାନ ପାଇଛି । ବର୍ତ୍ତମାନ, ଏହି ଫିଲ୍ମଟି ପୂର୍ବରୁ SS ରାଜମୌଲିଙ୍କ ବିଶ୍ୱସ୍ତରୀୟ ହିଟ୍ "RRR" ଦ୍ୱାରା ରେକର୍ଡକୁ ଅତିକ୍ରମ କରିଛି ।
ହିନ୍ଦୀ ଭାଷାରେ Netflix ରେ ପ୍ରଥମ ୧୦ ସପ୍ତାହ ମଧ୍ୟରେ ସର୍ବାଧିକ ଦେଖାଯାଇଥିବା ଭାରତୀୟ ଚଳଚ୍ଚିତ୍ର ପାଲଟିଛି । ଏହି ଚଳଚ୍ଚିତ୍ରଟି ପ୍ରଥମ ୧୦ ସପ୍ତାହ ମଧ୍ୟରେ ୩୧.୧ ମିଲିୟନ ଭ୍ୟୁ ପାଇଛି । ଆଦିତ୍ୟ ଧରଙ୍କ ନିର୍ଦ୍ଦେଶିତ ଏହି ସ୍ପାଇ ଥ୍ରୀଲର ଫିଲ୍ମ ରାମ ଚରଣ ଏବଂ ଜୁନିଅର NTRଙ୍କ ସର୍ବକାଳୀନ ବ୍ଲକବଷ୍ଟର "RRR" (ହିନ୍ଦୀ ସଂସ୍କରଣ)କୁ ଦ୍ୱିତୀୟ ସ୍ଥାନକୁ ଠେଲି ଦେଇଛି। Netflix ରେ ପ୍ରଥମ ୧୦ ସପ୍ତାହରେ "RRR" ୩୦ ମିଲିୟନ୍ ଭ୍ୟୁ ପାଇଛି। ସେପଟେ ରଣବୀର କପୁରଙ୍କ "ଆନିମଲ୍" ଏବେ ୨୮.୫ ମିଲିୟନ୍ ଭ୍ୟୁ ସହିତ ତୃତୀୟ ସ୍ଥାନରେ ଅଛି । ଶାହରୁଖ ଖାନଙ୍କ "ଜୱାନ୍" ୨୬.୨ ମିଲିୟନ୍ ଭ୍ୟୁ ସହିତ ଚତୁର୍ଥ ସ୍ଥାନରେ ଅଛି ।
ଏହାସହ ପଢ଼ନ୍ତୁ : ଜାଣନ୍ତୁ ଭାରତରୁ ପାକିସ୍ତାନ ଗଲେ କେତେ ହେବ ଖର୍ଚ୍ଚ ?
