ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗ୍ବିଜୟ ସିଂ ଆଜି (ମଙ୍ଗଳବାର) ଏକ ବଡ଼ ଘୋଷଣା କରିଛନ୍ତି । ଲୋକସଭା ନିର୍ବାଚନ ସମୟରେ ଭୋଟ୍ ଦେବା ପରେ ଏକ ବଡ ନିଷ୍ପତ୍ତି ନେଇଛନ୍ତି, ଯାହାକି ତାଙ୍କ ସମର୍ଥକଙ୍କୁ ଆଶ୍ଚର୍ଯ୍ୟ କରିଛି । ଦିଗି ରାଜା ଭାବରେ ଜଣାଶୁଣା କଂଗ୍ରେସ ନେତାଙ୍କ ଏହା ଶେଷ ନିର୍ବାଚନ ବୋଲି ସେ ଘୋଷଣା କରିଛନ୍ତି। ସୂଚନାଥାଉକି ଯେ ଲୋକସଭା ନିର୍ବାଚନର ତୃତୀୟ ପର୍ଯ୍ୟାୟରେ ମଧ୍ୟପ୍ରଦେଶର ୯ ଟି ଆସନରେ ଭୋଟ୍ ଗ୍ରହଣ ହେଉଛି । ଏହି ଆସନ ମଧ୍ୟରୁ ଗୋଟିଏ ହେଉଛି ରାଜଗଡ, ଯାହାକି ଦିଗବିଜୟ ସିଂଙ୍କ ଗଡ଼ ବୋଲି ବିବେଚନା କରାଯାଏ ।
ବାସ୍ତବରେ, ଲୋକସଭା ନିର୍ବାଚନ ସମୟରେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂ ତାଙ୍କ ମତଦାନ ବୁଥରେ ମତଦାନ କରିଥିଲେ। ଏହା ପରେ ଗଣମାଧ୍ୟମ ସହ କଥାବାର୍ତ୍ତା ବେଳେ ସେ ଏକ ବଡ ଘୋଷଣା କରିଥିଲେ। ସେ କହିଛନ୍ତି ଯେ, ଏହା ମୋର ଶେଷ ନିର୍ବାଚନ । କାରଣ ମୋର ବୟସ ୭୭ ବର୍ଷ। ଆଗାମୀ ନିର୍ବାଚନ ବେଳକୁ ମୋତେ ୮୨ ବର୍ଷ ହୋଇଥିବ । ସେହି ବୟସରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ସମ୍ଭବ ନୁହେଁ । ମୁଁ ଭାବୁଛି ବର୍ତ୍ତମାନ ନୂଆ ଲୋକଙ୍କୁ ସୁଯୋଗ ମିଳିବା ଉଚିତ୍ ।
#WATCH | Bhopal, Madhya Pradesh: Senior Congress leader and party candidate from Rajgarh says, "Congress workers are being pushed outside the 100-metre radius. BJP leaders are within the 100-metre radius and are with banners & posters of Lord Ram. They have Congress leader Pankaj… pic.twitter.com/EYX43ay8Ut
— ANI (@ANI) May 7, 2024
ମଧ୍ୟପ୍ରଦେଶର ରାଜଗଡରୁ ଭାରତୀୟ ଜନତା ପାର୍ଟି ପ୍ରାର୍ଥୀ ରୋଡମଲ ନାଗରଙ୍କ ସହ ଦିଗବିଜୟ ସିଂଙ୍କ ପ୍ରତିଯୋଗିତା ହେଉଛି ।