ଭୁବନେଶ୍ୱର ୦୫/୦୫ : ନିର୍ବାଚନ ପୂର୍ବରୁ ପ୍ରାର୍ଥୀ ପରିବର୍ତ୍ତନ । ଜଳେଶ୍ବର, ବରୀ, ଆଠମଲ୍ଲିକ, ଆଠଗଡ଼, ପୁରୀରେ ପ୍ରାର୍ଥୀ ବଦଲାଇଲା କଂଗ୍ରେସ। ନୀଳଗିରି ପାଇଁ ମଧ୍ୟ ପ୍ରାର୍ଥୀ ଘୋଷଣା କରିଛି କଂଗ୍ରେସ। ଏନେଇ ବିଜ୍ଞପ୍ତି ପ୍ରକାଶ ପାଇଛି। ବରୀରେ ଆରତୀ ଦେଓଙ୍କ ବଦଳରେ ଦେବାଶିଷ ନାୟକଙ୍କୁ କଂଗ୍ରେସ ଟିକେଟ୍ ଦେଇଛି। ସେହିଭଳି ନୀଳଗିରି ପାଇଁ ଅକ୍ଷୟ ଆଚାର୍ଯ୍ୟଙ୍କୁ ଟିକେଟ ଦେଇଛି କଂଗ୍ରେସ।
କଂଗ୍ରେସ ପକ୍ଷରୁ ରିଲିଜ୍ ହୋଇଥିବା ପ୍ରେସ୍ ରିଲିଜ୍ ଅନୁଯାୟୀ, ଜଳେଶ୍ୱରରେ ଦେବୀ ପ୍ରସନ୍ନ ଚାନ୍ଦଙ୍କ ବଦଳରେ ସୁଦର୍ଶନ ଦାଶଙ୍କୁ ଟିକେଟ୍, ବରୀରେ ଆରତୀ ଦେଓଙ୍କ ବଦଳରେ ଦେବାଶିଷ ନାୟକଙ୍କୁ ଟିକେଟ୍, ଆଠମଲ୍ଲିକରେ ବିଜୟାନନ୍ଦ ଚାଉଳିଆଙ୍କ ବଦଳରେ ହିଂମାଶୁ ଚାଉଳିଆଙ୍କୁ ଟିକେଟ୍, ଆଠଗଡ଼ରେ ମେହବୁବ୍ ଅହମ୍ମଦଙ୍କ ବଦଳରେ ସୁଦର୍ଶନ ସାହୁଙ୍କୁ ଟିକେଟ୍, ପୁରୀରେ ସୁଜିତ ମହାପାତ୍ରଙ୍କ ବଦଳରେ ଉମା ବଲ୍ଲଭ ରଥଙ୍କୁ ଟିକେଟ୍ । ସେହିପରି ନୀଳଗିରିରେ ଅକ୍ଷୟ ଆଚାର୍ଯ୍ୟଙ୍କୁ ଟିକେଟ ଦେଇଛି କଂଗ୍ରେସ ।