ଭୁବନେଶ୍ୱର,୨୨/୦୪: ଦେଶର ଅନ୍ୟତମ ଅଗ୍ରଣୀ ଏସ୍ୟୁଭି ନିର୍ମାତା ମହିନ୍ଦ୍ରା ଆଣ୍ଡ୍ ମହିନ୍ଦ୍ରା ଦୁଇଟି ଭାରିଆଣ୍ଟରେ ବୋଲେରୋ ନିଓ୍+ ୯ ସିଟରକୁ ଉନ୍ମୋଚନ କରିଛି ଯାହା ପି୪ ଏବଂ ପ୍ରିମିୟମ୍ ପି୧୦ରେ ଉପଲବ୍ଧ । ଏହା ଷ୍ଟାଇଲିସ୍, ପ୍ରଶସ୍ତ ଏବଂ ମଜଭୁତ ଏସ୍ୟୁଭି ଚାହୁଁଥିବା ଗ୍ରାହକଙ୍କୁ ସୁହାଇଲା ଭଳି ପ୍ରସ୍ତୁତ କରାଯାଇଛି । ଡ୍ରାଇଭର ସମେତ ୯ ଜଣ ଯାତ୍ରୀ ଏଥିରେ ଆରାମଦାୟମ ଯାତ୍ରା କରିପାରିବେ । ଏହାର ଏକ୍ସସୋ’ରୁମ୍ ମୂଲ୍ୟ ୧୧.୩୯ ଲକ୍ଷ ଟଙ୍କାରୁ ଆରମ୍ଭ ।
ବୋଲେରୋ ନିଓ+ ୯-ସିଟ୍ ବିଶିଷ୍ଟ ନିର୍ଭରଯୋଗ୍ୟ, ଶକ୍ତିଶାଳୀ ଏବଂ ଯେକୌଣସି ଯାତ୍ରା ପାଇଁ ନିର୍ମିତ । ମହିନ୍ଦ୍ରା ଆଣ୍ଡ୍ ମହିନ୍ଦ୍ରାର ସିଇଓ(ଅଟୋମୋଟିଭ ସେକ୍ଟର) ନଲିନିକାନ୍ତ ଗୋଲଗୁଣ୍ଟା କହିଛନ୍ତି “ଆମେ ସ୍ଥିରତା, ଉନ୍ନତ ବୈଶିଷ୍ଟ୍ୟ ଏବଂ ଆରାମଦାୟକ ଯାତ୍ରାର ଅନୁଭୂତି ପ୍ରଦାନ ପାଇଁ ପ୍ରତିଜ୍ଞାବଦ୍ଧ । ବୋଲେରୋ ନିଓ୍ମ ଦ୍ରୁତ ୨.୨ ଲିଟର ଏମ୍-ହକ ଡିଜେଲ ଇଞ୍ଜିନ୍ ଦ୍ୱାରା ଚାଳିତ । ଉତ୍କୃଷ୍ଟ ଇନ୍ଧନ ଦକ୍ଷତା ଏବଂ କାର୍ଯ୍ୟଦକ୍ଷତା ପାଇଁ ମାଇକ୍ରୋ-ହାଇବ୍ରିଡ୍ ଟେକ୍ନୋଲୋଜି ସହିତ ସଜ୍ଜିତ । ଏହାର ବଡି-ଅନ୍-ଫ୍ରେମ୍ ନିର୍ମାଣ ଏବଂ ଉଚ୍ଚ-ଶକ୍ତିଶାଳୀ ଷ୍ଟିଲ୍ ବଡି ସେଲ୍ ଚରମ ସ୍ଥାୟିତ୍ୱ ଓ ନିରାପତ୍ତା ପାଇଁ ଡିଜାଇନ୍ କରାଯାଇଛି । ଏସ୍ୟୁଭି ଉନ୍ନତ ସୁରକ୍ଷା ବୈଶିଷ୍ଟ୍ୟ ସହ ଇବିଡି ସହିତ ଇବିଏସ୍, ଡୁଆଲ୍ ଏୟାର୍ବ୍ୟାଗ, ଆଇଏସ୍ଓ ଫିକ୍ସ ଚାଇଲ୍ଡ ସିଟ୍ ଏବଂ ସ୍ୱୟଂଚାଳିତ ଡୋର ଲକ୍ ସହ ସମସ୍ତ ଯାତ୍ରୀଙ୍କ ପାଇଁ ଏକ ନିରାପଦ ଓ ଆରାମଦାୟକ ଯାତ୍ରା ସୁନିଶ୍ଚିତ କରେ ।