ରାଞ୍ଚି : ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ତିହାର ଜେଲ୍ରେ ବନ୍ଦୀ ଅଛନ୍ତି। ତାଙ୍କର ଅନୁପସ୍ଥିତିରେ ଆମ୍ ଆଦମୀ ପାର୍ଟିର ଅନ୍ୟ ନେତା ଓ ତାଙ୍କର ପତ୍ନୀ ମୋର୍ଚ୍ଚା ସମ୍ଭାଳିଛନ୍ତି। ଏହି ମଧ୍ୟରେ ଜେଲ୍ରେ ତାଙ୍କର ସୁଗାର ସ୍ତର ବଢିବା ମାମଲା ଚର୍ଚ୍ଚାରେ ରହିଛି। ଆମ୍ ଆଦମୀ ପାର୍ଟିର ଅଭିଯୋଗ କି କେଜ୍ରିୱାଲଙ୍କୁ ଇନସୁଲିନର ଆବଶ୍ୟକ ରହିଛି , ହେଲେ ଏହା ସତ୍ତ୍ୱେ ତାଙ୍କୁ ଜେଲ୍ରେ ଇନସୁଲିନ୍ ଦିଆ ଯାଉ ନାହିଁ। ତାଙ୍କୁ ମାରିବାକୁ ଚକ୍ରାନ୍ତ କରାଯାଉଛି। ରାଞ୍ଚିରେ ହୋଇଥିବା ଇଣ୍ଡିଆ ଗଠବନ୍ଧନର ମହାରାଲିରେ ମଧ୍ୟ ସୁନିତା କେଜ୍ରିୱାଲ ଏହି ବିଷୟକୁ ଜୋରସୋରରେ ଉଠାଇଛନ୍ତି। ସେ କହିଛନ୍ତି, ବିଜେପି ସରକାର ମୋର ସ୍ୱାମୀ ଅରବିନ୍ଦ କେଜ୍ରିୱାଲଙ୍କୁ ମାରିବାକୁ ଚାହୁଁଛି, ଜେଲ୍ରେ ତାଙ୍କୁ ଇନସୁଲିନ୍ ମିଳୁ ନାହିଁ।
ତାଙ୍କର କହିବା ହେଲା କି , ବିରୋଧି ଗଠବନ୍ଧନ ଇଣ୍ଡିଆ ବିଜେପିର ଅତ୍ୟାଚାରୀଙ୍କ ବିରୋଧରେ ଲଢିବେ ଏବଂ ଜିତିବେ। ସୁନିତା ଏଠାରେ ଉଲଗୁଲାନ ନ୍ୟାୟ ରାଲିରେ କହିଛି , ସେ ମୋର ସ୍ୱାମୀ ଅରବିନ୍ଦ କେଜ୍ରିୱାଲଙ୍କୁ ମାରିବାକୁ ଚାହାନ୍ତି। ତାଙ୍କର ଭୋଜନକୁ କ୍ୟାମେରାରେ ନିରୀକ୍ଷଣ କରାଯାଉଛି। ତାଙ୍କୁ ଇନସୁଲିନ୍ ଦେବାକୁ ମନା କରି ଦିଆଯାଇଛି। ମୋ ସ୍ୱାମୀ ସୁଗାର ରୋଗୀ। ଯିଏ ୧୨ ବର୍ଷ ହେବ ଇନସୁଲିନ୍ରେ ଅଛନ୍ତି , ତାଙ୍କୁ ପ୍ରତିଦିନ ୫୦ ୟୁନିଟ୍ ଇନସୁଲିନ୍ର ଆବଶ୍ୟକ ହୋଇଥାଏ।
ସେ ଦାବି କରିଛନ୍ତି କି, ତାଙ୍କ ସ୍ୱାମୀଙ୍କୁ ଜନ ସେବା ର କାମ କରିବାକୁ ଜେଲ୍ରେ ଭର୍ତ୍ତି କରିଦିଆ ଯାଇଛି ଏବଂ ତାଙ୍କ ବିରୋଧରେ କୌଣସି ଅଭିଯୋଗ ସାବ୍ୟସ୍ତ କରାଯାଇ ପାରି ନାହିଁ। ସେ କହିଛନ୍ତି , ଆମେ ଅତ୍ୟାଚାରୀଙ୍କ ବିରୋଧରେ ଲଢିବୁ ଓ ଜିତିବୁ। ଜେଲ୍ର ତାଲା ଭାଙ୍ଗିବ ଓ ଅରବିନ୍ଦ କେଜ୍ରିୱାଲ ତଥା ହେମନ୍ତ ସୋରେନ ମୁକ୍ତ ହେବେ।
ସୁନିତା କହିଛନ୍ତି , ଅରବିନ୍ଦ କେଜ୍ରିୱାଲଙ୍କ କ୍ଷମତାର କୌଣସି ଲାଳସା ନାହିଁ। ସେ କେବଳ ଦେଶର ସେବା କରିବାକୁ ଚାହାନ୍ତି। ସେ ଦେଶକୁ ନମ୍ୱର-୧ କରିବାକୁ ଚାହାନ୍ତି।