ମୁମ୍ବାଇ,୯।୫:  ବଲିଉଡ ସୁପରଷ୍ଚାର ଅନୁରାଗ ବାଜପେୟୀ ଫିଲ୍ମ 'ଭୈୟା ଜି' ସହିତ ପରଦାରୁ ଫେରୁଛନ୍ତି। ନିକଟରେ ଫିଲ୍ମର ଟିଜର ରିଲିଜ ହୋଇଥିବା ବେଳେ ବର୍ତ୍ତମାନ ଫିଲ୍ମର ଟ୍ରେଲର ରିଲିଜ ହୋଇଛି। ଟ୍ରେଲରରେ ମନୋଜଙ୍କୁ ଭୈୟା ଜି ଭୂମିକାରେ ଦେଖିବାକୁ ମିଳିବ । ଫିଲ୍ମଟି ଆକ୍ସନ ଡ୍ରାମାରେ ଭରପୁର ରହିଛି । ସେପଟେ ଫିଲ୍ମ ରିଲିଜକୁ ନେଇ ଫ୍ୟାନ୍ସ  ଅପେକ୍ଷା କରଛନ୍ତି । 

ଅଭିନେତା ଫିଲ୍ମକୁ ନେଇ କହିଛନ୍ତି ଯେ, 'ଭୈୟା ଜିଙ୍କ ରାଜନୀତି ବିଷୟରେ ଯଦି କହିବି ଶାସକ ଦଳର ବିରୋଧ ଓ ବିରୋଧୀଙ୍କୁ ଶାସକ ଦଳରେ ମିଶାଇବାରେ ମାଷ୍ଟରମାଇଣ୍ଡ ଭୈୟା ଜି । ସେ ଅନେକ କୁକର୍ମୀଙ୍କୁ ଏଥିରୁ ମୁକ୍ତି କରିଛନ୍ତି । ଏମିତି ଏକ ସମୟ ଥିଲା ଯେଉଁ ସମୟରେ ତାଙ୍କ ନାମ ଶୁଣି ତାଙ୍କର କୁକର୍ମକୁ ଛାଡି ଦେଉଥିଲେ । ସେହି ସମୟର ସରକାର ବି ସେ ଥିଲେ ଓ ପ୍ରଜା ବି ସେ ଥିଲେ , ବିଚାର ବି ସେ କରୁଥିଲେ ।'

ମନୋଜ ବାଜପେୟୀ ଫିଲ୍ମରେ ଦବଙ୍ଗ ରୋଲ କରୁଥିବାର ନଜର ଆସିବେ। ଫିଲ୍ମରେ ଦମଦାର ଆକ୍ସନ ଦେଖାଇବେ ମନୋଜ। ଫିଲ୍ମରେ ମନୋଜଙ୍କୁ ତାଙ୍କ ଭାଇର ପ୍ରତିଶୋଧ ନେଉଥିବାର ଦେଖିବାକୁ ମିଳିବ ।  ମନୋଜଙ୍କ ସହିତ  ଅଭିନେତ୍ରୀ ଜୋୟା ହୁସେନ , ସୁବିନ୍ଦ୍ର ବିକି ଓ ଜତିନ ଗୋସ୍ବାମୀ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅପୂର୍ବ ସିଂହ କର୍କୀ  । ଫିଲ୍ମ ଭୈୟା  ଜି ଆସନ୍ତା ମେ ମାସ ୨୪ ତାରିଖରେ ରିଲିଜ ହେବାକୁ ଯାଉଛି।