ଭୁବନେଶ୍ଵର, ୨୩/୦୪ : ଓୟୁଏଟି ଅଧିନରେ ଥିବା ମୌଳିକ ବିଜ୍ଞାନ ମହାବିଦ୍ୟାଳୟର ୧୯୭୪ ବ୍ୟାଚ୍ର ବନ୍ଧୁମିଳନ କାର୍ଯ୍ୟକ୍ରମ। ୫୦ ବର୍ଷ ପରେ ଗଙ୍ଗନଗରର ବିଶ୍ଵେଶ୍ଵର ଭବନରେ ଏହି ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏଥିରେ ୪୦ରୁ ଅଧିକ ପୂର୍ବତନ ଛାତ୍ର ଯୋଗ ଦେଇଥିଲେ। ଏହି କାର୍ଯ୍ୟକ୍ରମର ନାମ ବିଷୁବ ମିଳନ ରଖାଯାଇଛି।
ପୂର୍ବତନ ଛାତ୍ରଙ୍କ ମଧ୍ୟରେ ବହୁ ଡାକ୍ତର, ଇଞ୍ଜିନିଅର୍, ପ୍ରଫେସର, ବୈଜ୍ଞାନିକ, ରାଜ୍ୟ, କେନ୍ଦ୍ର ସରକାର ଏବଂ ଶିଳ୍ପ-ବାଣିଜ୍ୟ କ୍ଷେତ୍ରରେ ଗୁରୁତ୍ଵପୂର୍ଣ୍ଣ ପଦ-ପଦବୀରେ ଅଛନ୍ତି। ତେବେ ଦୀର୍ଘ ସମୟ ବ୍ୟବଧାନରେ ଏହି କାର୍ଯ୍ୟକ୍ରମ ସଫଳ ହୋଇଥିବାରୁ ସମସ୍ତେ ଖୁସି ବ୍ୟକ୍ତ କରିଛନ୍ତି। ରାଜ୍ୟରେ କିଛି ସାମାଜିକ କାର୍ଯ୍ୟ କରିବାକୁ ଶପଥ କରିଛନ୍ତି। ତେବେ ଏହି ଗୋଷ୍ଠିରେ ଅନ୍ୟ ବ୍ୟାଚ୍ ସାଥୀମାନେ ଯୋଗାଯୋଗ କରିବାକୁ ଅନୁରୋଧ କରାଯାଇଛି।
