ନୂଆଦିଲ୍ଲୀ,୯/୫ :  ଅକ୍ଷୟ ତୃତୀୟା ଆସନ୍ତାକାଲି ତଥା ୧୦ମଇରେ ହେବ । ଏହି ଅବସର‌ରେ ସୁନା-ଚାନ୍ଦି କିଣିବାକୁ ଶୁଭ ବୋଲି କୁହାଯାଏ । ଯଦି ଆପଣ ବି କିଣିବାକୁ ମନ ବଳାଉଛନ୍ତି ତ ଏହି ଖବର ଆପଣଙ୍କର କାମରେ ଆସିପାରେ। ଅକ୍ଷୟ ତୃତୀୟାରେ ବିଗବାସ୍କେଟ, ସ୍ବିଗୀ ଇଷ୍ଟାମାର୍ଟ ଏବଂ ଜେପ୍ଟୋ କିଛି ମିନିଟରେ ସୁନା-ଚାନ୍ଦି କଏନର ଡେଲିଭରି କରିବେ । ଏଥିଲାଗି କମ୍ପାନୀମାନେ ଭିନ୍ନ- ଭିନ୍ନ ଜୁଏଲରୀ ବ୍ରାଣ୍ଡଙ୍କ ସହ ବୁଝାମଣାର ଘୋଷଣା କରିଛନ୍ତି । 

ପ୍ରକାଶ ଯେ, ବିଗବାସ୍କେଟ, ସ୍ବିଗୀ ଇଷ୍ଟାମାର୍ଟ ଏବଂ ଜେପ୍ଟୋ ୧୦ମିନିଟରେ ଜିନିଷ ଡେଲିଭରି କରିବା ପ୍ଲାଟଫର୍ମ ଅଟନ୍ତି । ଫଳରେ ଏହା ହେଲା କି ଆପଣଙ୍କୁ ଘରେ ବସି ୧୦ମିନିଟରେ ସୁନା ଏବଂ ଚାନ୍ଦୀ କିଣିପାରିବେ । ସ୍ବିଗୀ ନିଜ ସ୍ବିଗୀ ଇଷ୍ଟାମାର୍ଟ ଜରିଆରେ ଗ୍ରାହକଙ୍କ ପର୍ଯ୍ୟନ୍ତ ସୁନା-ଚାନ୍ଦିର ମୁଦ୍ରା ପହଞ୍ଚାଇବାକୁ ମାଲାବାର ଗୋଲ୍ଡ ଏଣ୍ଡ ଡାଇମଣ୍ଡ୍ସ ଏବଂ ମୁଥୁଟ ଏକ୍ଜିମ ସହ ଭାଗିଦାରୀ କରିଛି । ସେହିଭଳି ବିଗବାସ୍କେଟ ନାଓ ଗ୍ରାହକଙ୍କ ପର୍ଯ୍ୟନ୍ତ ସୁନା-ଚାନ୍ଦିର ମୁଦ୍ରା ପହଞ୍ଚାଇବାକୁ ତନିଷ୍କ ଏବଂ ଏମଏମଟିସି-ପିଏଏମପି ସହ ବୁଝାମଣା କରିଛି । 

ଏହିଭଳି ଭାବେ ଜେପ୍ଟୋ ଏଥିଲାଗି ନେକ ଜୁଏଲାରୀ ସହ ନିଜ ସହଯୋଗର ବି ଘୋଷଣା କରିଛି।  ଟାଟା ଗ୍ରୁପର କମ୍ପାନୀ ବିଗ ବାସ୍କେଟ ଏବଂ ଏମଏମଟିସି-ପିଏଏମପିର ବୁଝାମଣା ମାଧ୍ୟମରେ ଗ୍ରାହକଙ୍କୁ ୧୦ଗ୍ରାମରେ ଲକ୍ଷ୍ମୀ ଗଣେଶ ସିଲ୍ବର କଏନ, ସିଲ୍ବର ବାର ଭଳି ଜୁଏଲାରୀ ଆଇଟମ ଡେଲିଭରି କରାଯିବ । ସେହିଭଳି ତନିଷ୍କ ୨୨କ୍ୟାରେଟି ସୁନାର କଏନ ସହିତ ଭିନ୍ନ ଭିନ୍ନ ଜୁଏଲାରୀ ଆଇଟମ୍ ଯୋଗାଇଦେବେ । 

ପ୍ରକାଶ ଯେ, ଅକ୍ଷୟ ତୃତୀୟାରେ ସୁନା ଚାନ୍ଦୀ କିଣିବା ବିଶେଷ ପରମ୍ପରା ରହିଛି । ଏହି ଦିନ ମା’ ଲକ୍ଷ୍ମୀଙ୍କ ପୂଜା ହୋଇଥାଏ । ଏହା ମାନ୍ୟତା ଅଛି କି ଯେଉଁ ବ୍ୟକ୍ତି ସୁନା-ଚାନ୍ଦୀ କିଣିଥାନ୍ତି ତାଙ୍କର କେବେ ବି ଧନସମ୍ପଦର କେବେ କମି ହୋଇନଥାଏ । ଏହିଦିନ ଦାନର ବି ପରମ୍ପରା ରହିଛି । ଏହି ଦିନ ହିନ୍ଦୁ ମାସର ବୈଶାଖର ଶୁକ୍ଳପକ୍ଷର ତୃତୀୟ ଚନ୍ଦ୍ର ଦିବସରେ ପଡ଼ିଥାଏ ।