ନୂଆଦିଲ୍ଲୀ : ଏବେ ଅସହ୍ୟ ତାତିରୁ ମିଳିବ ମୁକ୍ତି। ଆଇଏମଡି ଦେଇଛି ସତର୍କ ସୂଚନା। ଉତ୍ତର ପ୍ରଦେଶ ସମେତ ଅନେକ ରାଜ୍ୟରେ ବର୍ଷା କାରଣରୁ ତାତିରୁ ଆଶ୍ୱସ୍ତି ମିଳିବାର ସମ୍ଭାବନା ରହିଛି। ପାଣିପାଗ ବିଭାଗ କହିଛି, ମଧ୍ୟ, ପୂର୍ବୀୟ ଓ ଦକ୍ଷିଣ ଭାରତର ରାଜ୍ୟ ଗୁଡ଼ିକରେ ଆଗାମୀ ୪ ଦିନ ଯାଏ ଅର୍ଥାତ୍ ୧୩ ମେ ଯାଏ ପ୍ରବଳ ବର୍ଷାର ସମ୍ଭାବନା ରହିଛି। ଏହା ବ୍ୟତୀତ ଖୁବ୍ ଜୋରରେ ପବନ ବହିବା ସହ ବିଜୁଳି ଘଡ଼ଘଡ଼ି ହେବା ଅନୁମାନ କରାଯାଉଛି।
ଗତ ୨୪ ଘଣ୍ଟାର ପାଣିପାଗ କଥା ଯଦି କହିବା ତ ପଶ୍ଚିମ ରାଜସ୍ଥାନର କିଛି ଅଞ୍ଚଳରେ ସର୍ବାଧିକ ତାପମାତ୍ରା ୪୫ ଡିଗ୍ରୀ ସେଲସିୟସ ଅତିକ୍ରମ କରିଛି। ଏହିସବୁ ଅଞ୍ଚଳରେ ହିଟୱେଭ୍ର ସ୍ଥିତି ରହିଛି। ତାମିଲନାଡୁ, କେରଳ , ରାୟଲସୀମା, ଗଙ୍ଗୀୟ ପଶ୍ଚିମବଙ୍ଗ, ସାଉଥ୍ ଇଣ୍ଟିରିୟର କର୍ଣ୍ଣାଟକରେ ଖୁବ୍ ବର୍ଷା ହେବ। ସେପଟେ ହିମାଚଳ ପ୍ରଦେଶ , ବିଦର୍ଭ , ଝାଡ଼ଖଣ୍ଡରେ କୁଆପଥର ବୃଷ୍ଟି ହେବ। ଗତ ଦିନରେ ସବୁଠୁ ଅଧିକ ତାପମାତ୍ରା ରାଜସ୍ଥାନର ଫଲୌଦୀରେ ୪୬.୨ ଡିଗ୍ରୀ ସେଲସିୟସ ରେକର୍ଡ କରାଯାଇଛି।
ପାଣିପାଗ ବିଭାଗ ଅନୁସାରେ, ପଶ୍ଚିମବଙ୍ଗ , ସିକ୍କିମରେ ୧୦-୧୨ ମେ , ବିହାର , ଝାଡ଼ଖଣ୍ଡରେ ୧୨ ମେ, ଓଡ଼ିଶାରେ ୧୦-୧୪ ମେ’ରେ ପ୍ରବଳ ବର୍ଷା ସମ୍ଭାବନା ରହିଛି। ଝଡ଼ ତୋଫାନ ଓ ବଜ୍ରପାତର ବି ସତର୍କ ସୂଚନା ଜାରି କରାଯାଇଛି। ସେପଟେ ଅରୁଣାଚଳ ପ୍ରଦେଶ , ଆସାମ, ମେଘାଳୟ ,ନାଗାଲାଣ୍ଡ, ମଣିପୁର, ମିଜୋରାମ, ତ୍ରିପୁରାରେ ଆଗାମୀ ୭ଦିନ ଯାଏ ପ୍ରବଳ ବର୍ଷା ହୋଇ ପାରେ। ବଜ୍ରପାତ ଓ ଖୁବ୍ ଝଡ଼ବର୍ଷା ନେଇ ସତର୍କ ସୂଚନା ଜାରି କରାଯାଇଛି।
ଅନ୍ୟ ରାଜ୍ୟ ଗୁଡ଼ିକର କଥା ଯଦି କହିବା ତ ବିଦର୍ଭ , ମଧ୍ୟ ମହାରାଷ୍ଟ୍ର, ଛତିଶଗଡ଼ରେ ୧୦-୧୪ମେ , ମଧ୍ୟ ପ୍ରଦେଶରେ ୯-୧୧ ମେ ଓ ମରାଠାୱାଡାରେ ୯ ମେ’ ରେ ବର୍ଷା ହେବ। ମଧ୍ୟ ପ୍ରଦେଶରେ ୧୦-୧୩ ମେ , ବିଦର୍ଭରେ ୧୨-୧୩ ଓ ମଧ୍ୟ ମହାରାଷ୍ଟ୍ରରେ ୧୧ ଓ ୧୨ ମେ ଓ ମରାଠୱାଡାରେ ୧୨ ମେ ରେ କୁଆପଥର ବୃଷ୍ଟିର ଚେତାବନୀ ଜାରି କରାଯାଇଛି।